Sifa 4 za jalada la kitabu linalouza sana

Jalada la kitabu lina kazi moja tu, limvutie msomaji anunue kitabu chako. Tulitoa mafunzo tarehe 05/07/2020 kwa waandishi wa vitabu jinsi wanavyoweza kutumia jalada la kitabu kuongeza mauzo ya kitabu. Tulifundisha mambo mengi, na kati ya hayo, ni haya mambo 4 ambayo yatafanya jalada lako la kitabu liweze kuongeza mauzo zaidi.

1. Jalada la kitabu ni chambo

Jalada limpe picha ya haraka msomaji ndani ya kitabu kuna nini. Kumpata msomaji unahitaji chambo, hicho chambo ni jalada la kitabu chako. Kwahiyo fikiria kwa utulivu jalada lako liwe na nini, hii si kazi ya msanifu pekee.

2. Anachoangalia msomaji

Sehemu ambayo macho ya msomaji yataona kwa haraka kwenye kava lako ni lazima ionekane vizuri. Je? Ni jina la kitabu, picha iliyotumika kwenye jalada?. Amua msomaji wako macho yake yaende wapi anapoona jalada la kitabu chako

3. Jina la kitabu

Jina la kitabu unalochagua ulitumie kwenye jalada la kitabu lazima lisomeke vizuri, lionekane na limpe hamu msomaji kutaka kusoma kitabu chako. Jina la kitabu lisimame pamoja na picha nzuri, uchaguzi wa rangi nzuri na vionjo vya kuvutia

4. Ubora wa jalada la kitabu

Kitabu kama bidhaa, jalada la kitabu ndiyo kifungashio chake na linaonyesha ubora wa kilicho ndani yake. Usichukulie poa na kuona kivyovyote tu litakavyokuwa.

Unahitaji jalada la kitabu? Tupatie maelezo ya kitabu chako hapa na tutawasiliana na wewe. Pia tuna huduma mpya ya book cover makeover, jalada la kitabu chako cha sasa linasanifiwa upya na kuongezwa ubora zaidi. Kama unataka jalada lako lifanyiwe ubunifu upya karibu hapa.