Funguo 7 za mafanikio kwa Mkristo

Katika kujifunza habari za mafanikio kutoka kwa waandishi  mbalimbali wa ndani na nje ya nchi yetu nimekuja kugundua kwamba  wengi wao wanachokisema ni sahihi lakini hakiwezi kumsaidia kila  mtu.

Mara nyingi njia wanazozipendekeza haziweki bayana juu ya ni aina ipi ya mafanikio inayoweza kufikiwa kupitia njia hizo. Nje na  aina ipi ya mafanikio inayopaswa kufikiwa, lakini bado njia hizo  hazibainishi juu ya mtu yupi zinayemfaa hii ni kwa sababu hakuna  mafanikio yasiyo na misingi na vilevile hakuna misingi inayohusu  mafanikio isiyoambatana na sababu, malengo au matarajio kutoka  kwa aliyefanikiwa kupitia misingi husika.

Vilevile ni muhimu ikumbukwe kuwa kuna aina nyingi sana  za mafanikio na ni ngumu sana kuzitaja zote lakini kwenye kipengele kijacho  tutakapokuwa tunaangazia maana ya mafanikio bila shaka nitaweka  bayana baadhi ya aina za mafanikio.

Siku zote mafanikio ya hatua  fulani yanategemea mafanikio ya hatua iliyotangulia na kila hatua ina  Ufunguo wake ndiyo maana kwenye mafanikio huhitaji ufunguo mmoja  bali Funguo Kadhaa na ndani ya kitabu hiki tutaangazia funguo muhimu  saba. Mpaka hapo utakuwa umeelewa kwanini somo letu ni “Funguo  Saba za Mafanikio kwa Mkristo” na siyo “Ufunguo wa Mafanikio kwa Mkristo”.