Roho Mtakatifu ni zawadi isiyo chakaa

Kitabu hiki “ROHO MTAKATIFU ZAWADI ISIYOCHAKAA” ni mzigo ambao Mungu ameweka moyoni mwangu baada ya mimi mwenyewe kujazwa ROHO MTAKATIFU mapema baada ya kuokoka. Nilimpokea Roho Mtakatifu mapema sana hata kabla sijapata Kanisa la kiroho la kuabudu, nilitamani kila mmoja apate zawadi hii ya ajabu. 

Katika mafundisho yangu ya kila mara, nimekuwa nikivutwa sana kuhusu Roho Mtakatifu hata ikiwa sifundishi somo hilo. Niligundua kwamba Mungu alitaka niwekeze zaidi kwa ajili ya Kanisa lake la sasa na la wakati ujao. Shauku hii ya ajabu inanifanya kuandika ili mwingine aliye mbali apate na aishi na kutembea katika uwepo huu wa Roho Mtakatifu.