Ushauri wa Ndoa katika Mtazamo wa Kibiblia

Ndoa ni msingi wa familia na familia ni msingi wa jamii: Tunapoimarisha ndoa, tunaimarisha watoto, familia na jamii pia. Ndoa imara hufanya familia imara, na familia imara ndio hufanya kanisa na Taifa imara. Ndoa imara yenye afya na mafanikio inategemea maarifa yatakayopelekea kujua na kuelewa kanuni za Mungu. Mungu aliunda ndoa iwe yenye mafanikio na ni mashauri yake pekee ndio yataifanya iwe yenye mafanikio.

Ndoa sio suala tu la kuja pamoja kwa watu wawili bali ni mgongano na mwingiliano wa historia zao, uzoefu wa kitamaduni, kumbukumbu za mambo ya zamani tabia pamoja na haiba. Kitabu hiki ni moja ya vitabu bora vya ndoa, ambacho kimejielekeza katika kutoa maarifa ya kuponya na kuimarisha ndoa na kuzifanya kuwa zenye afya na za kudumu. Inachukua dakika chache kuoana, lakini kujenga ndoa imara yenye afya inachukua maisha yote.