Mpenyo - Nidhamu ya fedha

Sentensi nitakayosema hapa huwa inawakasirisha watu wengi sana. Pengine inaweza kukukasirisha hata wewe pia! Matatizo yako ya Fedha hayasababishwi na Serikali, Uchumi, Bosi wako, Baba au Mama mwenye nyumba yako, Mchumba, Mume/Mke n.k, Amini usiamini matatizo uliyonayo yanasababishwa na wewe Mwenyewe!

Kutokana na Mtaalam wa Masuala ya Fedha na Uwekezaji Ndugu Dave Ramsey, anatuambia kwamba matatizo ya kifedha kwa Asilimia 80 yanasababishwa na tabia zako wakati asilimia 20 yanasababishwa na kukosa maarifa sahihi. Hivyo ili kufanikiwa kifedha, licha ya kujifunz na kujiongezea Maarifa ya kichwa ni lazima kushughulikia Tabia zetu na kuzikabili, hii inamaanisha uwe tayari kuishi tofauti na unavyoishi sasa.

Kama mtu ni Mgonjwa, njia rahisi ya kupona kwanza ni kukubali kwamba anaumwa. Tatizo watu wengi hawapendi kukubali kwamba wana Tatizo fulani. Hili huwafanya wasitafute

Usumbufu wa matatizo yao. Uzoefu wangu unaonesha kuwa Wanaume wana tatizo hili zaidi kuliko Wanawake, kama una matatizo ya Kifedha na umenuia kuyaondoa ninategemea sio tu kwamba utakubali, bali ninategemea utafanya Juhudi kuangalia au kuelewa Ukubwa wa tatizo ulilonalo. Ili kujua hali ya Afya yako ya kifedha na kama uliruka zoezi Tathmini ya Afya yako ya Kifedha(Financial Intelligence Test) lililoko Mwanzoni wa Kitabu hiki, huu sasa ni Wakati wa kurejea na kulifanya na kupata Tathmini Halisi.