Umeumbwa kwa kusudi

Kama vile mtu anaefika katika kituo cha mabasi (stand) na asijue wapi anaenda, upo uwezekano mtu huyo kupanda gari lolote lile”, kinachokufanya uchague gari lipi upande ni lile eneo unaloliendea.

Ndivyo ilivyo kwa watu wengi hapa duniani, hawana taharifa sahihi za wapi wametoka na wapi wanaenda, na hii huwasababisha kushindwa kuwa wao (original) na kuwa kopi ya watu wengine (photocopy) na wanasahau kabisa kuwa waliumbwa kwa kusudi maalumu lisilofanana na mwingine yeyote yule.

Katika kitabu hiki utajifunza kuhusu kusudi la kuumbwa kwako na namna ya kulitambua kusudi uliloumbiwa, pia utaweza kuona uhusiano uliopo kati ya majira na kusudi, ndoto na kusudi, na uhusiano kati ya kusudi na majaribu. Kitabu hiki kitakusaidia kuvuka katika mambo mengi ya kiroho na kimwili.